ರಾಮ ರಾಮ ರಾಮ raama raama rama

Imaginative one act drama

ಮುಂಸೀಫ್ ನ್ಯಾಯಾಲಯ

ಸಿವಿಲ್ ಕೇಸ್ ನಂ. ೧೧೧/೨೦೦೨

ಸೀತಾ ಸೀತಾ ಸೀತಾ

ಲಾಯರ್: ಇಲ್ಲಿ ಬನ್ನಿಯಮ್ಮ, ಈ ಕಟಕಟೆಯಲ್ಲಿ ನಿಲ್ಲಿರಿ.  ಈ ಗೀತೆಯ ಮೇಲೆ ಕೈಯಿಟ್ಟು 'ಸತ್ಯವನ್ನೇ ಹೇಳುತ್ತೇನೆ, ಸತ್ಯವನ್ನು ಬಿಟ್ಟು ಮತ್ತೇನನ್ನು ಹೇಳುವುದಿಲ್ಲ' ಎಂದು ಪ್ರಮಾಣ ಮಾಡಿರಿ.

ಸೀತಾ: ಏನ್ರೀ ಲಾಯರ್ ರವರೇ ಆ ಗೀತಾಳಿಂದಲೇ ನಾನು ಇಲ್ಲಿಯವರೆಗೆ ಬರುವಂತಹ ಸ್ಥಿತಿ ಬಂದಿದೆ.  ಆ ಗೀತಾಳ ಹೆಸರು ಮತ್ತೆ ಹೇಳ್ಬೇಡಿ

ಲಾಯರ್: ನಾನು ಈ ಭಗವದ್ಗೀತೆ ಪುಸ್ತಕದ ಮೇಲೆ ಕೈ ಇಟ್ಟುಕೊಂಡು ಪ್ರಮಾಣ ಮಾಡು ಎಂದಿದ್ದು ಅಷ್ಟೇ

ಸೀತಾ: ಆಯ್ತಾಯ್ತು, ನಾನು ಸತ್ಯವನ್ನೇ ಹೇಳುತ್ತೇನೆ, ಸತ್ಯವನ್ನು ಬಿಟ್ಟು ಮತ್ತೇನನ್ನು ಹೇಳುವುದಿಲ್ಲ

ಲಾಯರ್: ನಿಮ್ಮ ಹೆಸರು ?

ಸೀತಾ: ಇಗತಾನೇ ಮೂರು ಬಾರಿ ಕರೆದರಲ್ಲ, ಮತ್ತೇಕೆ ಕೇಳುತ್ತೀರಿ ?

ಲಾಯರ್: ಅದೆಲ್ಲ ಬೇಡ, ನಾನು ಕೇಳಿದ್ದಕ್ಕೆ ಉತ್ತರಿಸಿರಿ

ಸೀತಾ: ಸೀತಾ

ಲಾಯರ್: ನಿಮ್ಮ ಯಜಮಾನರ ಹೆಸರು ?

ಸೀತಾ: ಅಲ್ಲಿ ಎದುರಿಗೆ ನೀತಿದ್ದಾರಲ್ಲ, ಅವರೇ

ಲಾಯರ್: ನಾನು ಎಲ್ಲೀ ಅಂತ ಕೇಳಲಿಲ್ಲ, ನಿಮ್ಮ ಯಜಮಾನರ ಹೆಸರು ಹೇಳಿ

ಸೀತಾ: ಅದೇ ಸ್ವಾಮಿ ಅಲ್ಲಿ ಎದುರಿಗೆ ಇದ್ದರಲ್ಲಾ ಅವ್ರೇ

ಲಾಯರ್: ಅವರ ಹೆಸರು ?

ಸೀತಾ:  -----

ಲಾಯರ್: ಹೆಸರು ಹೇಳಿ ?

ಸೀತಾ: ಅಯ್ಯೋ ಬಿಡಿ ಅವ್ರೇ

ಲಾಯರ್: ಅಮ್ಮ ತಾಯಿ, ಅವರ ಹೆಸರು ?

ಸೀತಾ: ನಾನೇಕೆ ನಿಮ್ಮ ತಾಯಿ ಅಮ್ಮ ಆಗುತ್ತಿನಿ.  ನೀವೇ ನನಗಿಂತ ದೊಡ್ಡವರಿದ್ದೀರಲ್ಲ

ಲಾಯರ್: ಅಯ್ಯೋ... ನಾನೇನ್ ಮಾಡ್ಲಿ ಈಗ ?

ಸೀತಾ: ಲಾಯರ್ ಗಿರಿ ನಮ್ಮ ಯಜಮಾನರ ಪರ ಮಾಡ್ತಿದ್ದೀರಲ್ಲ, ಸಾಕಲ್ಲವಾ ?

ಲಾಯರ್: Your Honour, ಸ್ವಲ್ಪ  ಸಹಾಯ ಮಾಡಿ Sir

ಜಡ್ಜ್: ಏನಮ್ಮ, ಲಾಯರ್ ಕೇಳಿದ್ದಕ್ಕೆ ಸರಿಯಾಗಿ ಉತ್ತರ ಕೊಡಿ

ಸೀತಾ: ನಮ್ಮ ಕಡೆ ಯಜಮಾನರ ಹೆಸರು ಹೇಳೋದಿಲ್ಲ

ಲಾಯರ್: ಆದ್ರೆ ಇಲ್ಲಿ ಹೇಳಲೇಬೇಕಮ್ಮ

ಸೀತಾ: ದಶರಥನ ಮೊದಲನೆಯ ಮಗ

ಲಾಯರ್: ದಶರಥನ ಮೊದಲನೆಯ ಮಗನ ಹೆಸರು ?

ಸೀತಾ: ಅಷ್ಟೂ ಗೊತ್ತಿಲ್ಲವೇ ನಿಮಗೆ ?  ನೀವೆಂಥವರು ?

ಲಾಯರ್: ನನಗೆ ಗೊತ್ತಿದೆ. ಆದ್ರೆ ಇಲ್ಲಿ ಕೇಳಬೇಕಲ್ಲ

ಸೀತಾ: ಗೊತ್ತಿದ್ದ ಮೇಲೆ ನನ್ನನ್ನು ಯಾಕೆ ಕೇಳ್ತೀರಾ ?

ಲಾಯರ್: ಅಯ್ಯೋ ರಾಮ ರಾಮ ರಾಮ

ಸೀತಾ: ಅದೇ ಅದೇ ನಮ್ಮ ಯಜಮಾನರ ಹೆಸರು

ಲಾಯರ್: ಅಯ್ಯೋ your honour, ನನಗೆ ಮಾತ್ರ ಆಗೋದಿಲ್ಲ,ನಾನು ಈ ಕೇಸನ್ನು ಮುಂದುವರೆಸ ಲಾಗದಿದ್ದಕ್ಕೆ  ಕ್ಷಮೆ ಕೇಳುತ್ತೀನಿ.  ನಾನು ಪಡೆದ fees ನ್ನೂ ಸಹ ವಾಪಸ್ಸು ಕೊಡಲು ರೇಡಿಯಿದ್ದೀನಿ.

ರಾಮ: ಓಯ್ ಲಾಯರ್ ರವರೇ, ನಾನು ಕೊಟ್ಟ ಫೀಸ್ ನನಗೆ ಬೇಡಾ.  ಇವಳಿಂದ ನನಗೆ ಮುಕ್ತಿ ಕೊಡಿಸ್ತ್ತೀನಿ,  ಹಾಗೆ ಹೀಗೆಂತ ಹೇಳಿ ನೀವೇ ಮುಕ್ತಿ ಕೇಳ್ತಿದ್ದೀರಲ್ಲ.  Your Honour, ಇದಕ್ಕೆ ಏನು ಶಿಕ್ಷೆ ಇವರಿಗೆ  ಕೊಡ್ತಿರೋ ನೀವೇ ಕೊಡಿ

ಜಡ್ಜ್: ರೀ ಪ್ರಾಸಿಕ್ಯೂಟರ್, ಈ ಲಾಯರ್ ಮೇಲೆ ಕೇಸ್ ಹಾಕರಿ

ಸೀತಾ: (ಗಂಡನ ಕಡೆ ನೋಡ್ತಾ) ರೀ ಸುಮ್ನೆ ನಾನು ಹೇಳಿದ್ದಂಗೆ ಕೇಳ್ಕೊಂಡ್ ಮನೇಲಿ ಬಿದ್ದಿರಿಂತ ನಾನು ನಿಮ್ಗೆ ಗಿಳಿಗ್ ಹೇಳದಂಗೆ ಹೇಳ್ದೆ.  ಈಗ ನೋಡಿದ್ರಲ್ಲ, ಮನೆಗ್ ಬನ್ನಿ, ಅದ್ಯಾವ್ ಲಾಯರ್ ಹತ್ತರ ಹೋಗ್ತೀರೋ ನಾನೂ ನೋಡೇ ಬಿಡ್ತೀನಿ

ರಾಮ: ನನ್ನ ಅದೃಷ್ಟಾನೇ ಸರಿಯಿಲ್ಲ.  Your Honour, ದಯವಿಟ್ಟು ಲಾಯರ್ ಮೇಲೆ ಕೇಸ್ ಹಾಕದಿದ್ದರೂ  ಪರವಾಗಿಲ್ಲ.  ನನ್ನ ಮೇಲೆ ದಯೆ ತೋರಿ ಯಾವುದಾದ್ರೂ ನನ್ ಮೇಲೇ ಕೇಸ್ ಹಾಕಿ ನನ್ನ ಜೈಲಿಗೆ ಕಳಿಸಿ ಬಿಡಿ.  ಮನೆಗೆ ಮಾತ್ರ ವಾಪಸ್ಸು ಕಳಿಸ್ ಬೇಡಿ

ಜಡ್ಜ್: ಪೊಲೀಸ್.. ಇವರನ್ನು ಕರೆದುಕೊಂಡು ಹೋಗಿ ಹೊರಗೆ ಬಿಟ್ಟು ಬನ್ನಿ.  ಮುಂದಿನ ಕೇಸ್ ಯಾರದ್ದು ?

ರಾಮ: Your Honour, please ಬೇಡಾ, ನನ್ನನ್ನು ನರಕಕ್ಕೆ ಕಳಿಸಬೇಡಿ,  ಸಾರ್ ಸಾರ್ ದಯಮಾಡಿ ದಯೆ ತೋರಿ

curtain closes.. 

end- imagination written sometime ಇನ್ 2002

.

back to  

click   PAGE LINKS TO ALL ARTICLES

end.

.